जनकपुरधाम, २६ असोज । भारतमा पछिल्लो २४ घण्टामा भारतमा ७४ हजार ३८३ कोरोना संक्रमित थपिएका छन् । विश्व स्वास्थ्य संगठनका अनुसार योसँगै कोरोना संक्रमितको संख्या ७० लाख ५३ हजार ८०६ पुगेको छ ।
भारतमा कोरोना संक्रमणबाट मृत्यु हुनेको संख्या १ लाख ८ हजार ३३४ पुगेको छ । पछिल्लो २४ घण्टामा भारतमा ९१८ कोरोना संक्रमितको मृत्यु भएको छ ।
यता, विश्वमा कोरोना संक्रमितको संख्या ३ करोड ७१ लाख ९ हजार ८५१ पुगेको छ । पछिल्लो २४ घण्टामा ३ लाख ४७ हजार ५२६ संक्रमित थपिएका छन् ।
कोरोनाका कारण विश्वमा हालसम्म १० लाख ७० हजार ३५५ संक्रमितको मृत्यु भइसकेको विश्व स्वास्थ्य संगठनको तथ्यांकमा छ ।
