लहान, ७ बैशाख । सिरहाको गोलबजार नगरपालिका–६ का मृतक ३३ वर्षीय गुरुसरण सदामा कोरोना भाइरस संक्रमण पुष्टि भएको छ ।
तीन/चार दिनदेखि वान्ता आउने, उच्च ज्वरो र पेट दुख्ने जस्ता समस्याले पीडित बनेका सामाजिक अभियानता सदाको सोमवार मृत्यु भएको थियो ।
स्वास लिन गाह्रो हुन थालेपछि उनलाई गोलबजारस्थित भूमिजा हस्पिटलमा प्राथमिक उपचारपछि थप उपचारकोलागि धरानतर्फ लैजाने क्रममा उनको मृत्यु भएको हो ।
उनको कोरोना जस्तै लक्षण देखिएर मृत्यु भएपछि मृतकको सेम्पल कलेक्शन गरेर परीक्षणको लागि सिरहा अस्पताल पठाइएको थियो ।
मंगलबार आएको उनको परीक्षण रिपोर्ट पोजेटिभ देखिएको स्वास्थ्य कार्यालय सिरहाका प्रमुख कृष्णदेव यादवले मधेशलाइभलाई जानकारी दिए । ‘मृतकको सेम्पल कलेक्सन गरेर सिरहा अस्पताल पठाइएकोमा उनको कोरोना परीक्षणको रिपोर्ट पोजेटिभ आएको छ’ उनले भने–‘अहिले हामी कन्ट्याक्ट ट्रेसिङ्गको कार्यमा लागेका छौं ।’
यो पनिः
