जनकपुरधाम । विश्वभर पछिल्लो २४ घण्टामा २ लाख ९४ हजार २ सय ३७ कोरोना भाइरस (कोभिड–१९) संक्रमित थपिएका छन् ।
विश्व स्वास्थ्य संगठनका अनुसार यो अघिल्लो दिनको तुलनामा धेरै हो । अघिल्लो दिन २४ घण्टाको अवधिमा २ लाख ८७ हजार ९ सय ६४ जनामा कोरोना संक्रमण देखिएको थियो ।
२ सय १६ वटा देशमा फैलिएको कोरोनाका कारण हालसम्म ७ लाख ५५ हजार ७ सय ८६ को मृत्यु भएको छ । संक्रमितको संख्या २ करोड १० लाख २६ हजार ७ सय ५८ पुगेको विश्व स्वास्थ्य संगठनको तथ्यांकले देखाउँछ ।
