राजविराज–आगामी मङ्सिर १६ गते विभिन्न कारणले स्थानीय तहमा रिक्त पदका लागि उपनिर्वाचन हुँदैछ । उपनिर्वाचनको तालिकाअनुसार मधेश प्रदेशका ७ वटा वडा तहमा उपनिर्वाचन हुन गइरहेको छ ।
सप्तरी, धनुषा, महोत्तरी, रौतहटका गरी ७ वटा वडा तहमा उपनिर्वाचन हुन लागेको हो । सप्तरीको डाक्नेश्वरी नगरपालिका–१ र ४, धनुषाको धनुषाधाम नगरपालिका–१, महोत्तरीको रामगोपालपुर नगरपालिका–२, रौतहटको ईशनाथ नगरपालिका–७ मा उपनिर्वाचन हुन लागेको छ ।
त्यस्तै, रौतहटकै राजपुर नगरपालिका–६ र बाराको गढीमाई नगरपालिका–८ मा उपनिर्वाचन हुन लागेको निर्वाचन आयोगले जनाएको छ ।
