जनकपुरधाम, १९ मंसिर । विश्वभर कोरोना भाइरस संक्रमणबाट मृत्यु हुनेको संख्या १५ लाख नाघेको छ । वल्र्डोमिटर्सको शुक्रवार अद्यावधिक तथ्यांक अनुसार पछिल्लो २४ घण्टामा १२ हजार ६७९ जनाको मृत्यु भएसँगै विश्वभर कोरोनाबाट मृत्यु हुनेको १५ लाख ११ हजार ७२६ पुगेको छ ।
यसअघि विहिवार १२ हजार ३७२ थपिएर संक्रमणबाट मृत्यु हुनेको संख्या १४ लाख ९९ हजार १७५ पुगेको थियो । यसैगरी विश्वभर पछिल्लो २४ घण्टामा थप छ लाख ७८ हजार ६३१ कोरोना संक्रमित थपिएका छन् ।
योसँगै संक्रमितको संख्या छ करोड ५५ लाख २८ हजार १३३ पुगेको छ । हालसम्म चार करोड ५३ लाख ७१ हजार ७३ जना कोरोनामुक्त भएका छन् ।
यसैगरी हालसम्म १ करोड ८६ लाख ४५ हजार ३३४ सक्रिय संक्रमित छन् । सक्रिय संक्रमितमध्ये १ लाख छ हजार ६११ जनाको स्वास्थ्य अवस्था जटिल रहेको तथ्यांकमा छ ।
