जनकपुरधाम, १९ मंसिर । नेपालमा पछिल्लो २४ घण्टामा १ हजार २७२ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार शुक्रवार नयाँ थपिएका कोरोनाका संक्रमितसँगै नेपालमा कोरोना संक्रमितको संख्या २ लाख ३८ हजार ८६१ पुगेको छ ।
सोही अवधिमा १ हजार ५७५ जना कोरोनामुक्त भएका छन् । योसँगै नेपालमा हालसम्म कोरोनामुक्त हुनेको संख्या २ लाख २१ हजार ८४७ जना पुगेको छ । हालस सक्रिय संक्रमितको संख्या १५ हजार ४४७ छ ।
यसैगरी पछिल्लो २४ घण्टामा कोरोना संक्रमणबाट थप १६ जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १ हजार ५६७ पुगेको मन्त्रालयको तथ्यांकमा छ ।
