राजविराज, ९ भदौ । सप्तरीको हनुमाननगर कंकालिनी नगरपालिका–१० इनर्वामा बुधवार एक वालिकाको जमेको पानीमा डुबेर मृत्यु भएको छ ।
स्थानीय रामखलन खंगका अढाइ वर्षकी छोरी अंजलीकुमार मण्डलको जमेको पानीमा डुबेर मृत्यु भएको हो ।
आफ्नै घरदेखि उत्तरतर्फ २ सय मिटरको दुरीमा रहेको खाली जग्गामा जमेको पानीमा डुबेर बालिकाको मृत्यु भएको जिल्ला प्रहरी कार्यालयका प्रहरी नायब उपरीक्षक माधव प्रसाद काफ्लेले बताए । घटनाबारे थप अनुसन्धान भइरहेको जनाइएको छ ।
