राजविराज, १२ माघ । पूर्व पश्चिम राजमार्ग अन्तर्गत सप्तरीमा गए राति पुनः एक ट्रकमा आगजनी भएको छ । अग्निसाइर कृष्णसवरण गाउँपालिका–४ विशाल चौकस्थित पूर्वतर्फ गइरहेको ना ५ ख १९११ नम्वरको ट्रकमा आगजनी भएको हो ।
कुखुराको दाना बोकेर गइरहेको सो ट्रकमा राति करिब ११ बजेतिर आगजनी भएको ईलाका प्रहरी कार्यालय कञ्चनपुरका प्रहरी नायव उपरिक्षक रामकुमार यादवले जानकारी दिए । ‘कसले र किन ट्रकमा आगजनी गरेको विषयमा अनुसन्धान भइरहेको छ’ उनले भने–‘चालक पनि सम्पर्कमा आएको छैन् ।’
अज्ञात समूहद्वारा गरिएको आगजनीले ट्रक पूर्ण रुपमा जलेको छ । यसअघि पुस १६ गते पनि सोही गाउँपालिका–५ महुली पुलमा एक ट्रक जलाइएको थियो ।
