उमेश कुमार साह
बोदे बरसाईन, १२ मंसिर । सप्तरीको बोदे बरसाईन नगरपालिकाका दुई जनालाई लागूऔषधी सहित पक्राउ गरिएको छ । पक्राउ पर्नेमा वडा नम्वर १ का सुरज कुमार यादव र राधेश्याम मण्डल छन् ।
प्रहरी चौकी सिस्वा वेल्हीबाट गस्तीमा खटिएको टोलीले दुवै जनालाई पक्राउ गरेको हो । पक्राउ परेका यादवले बोकेको झोलाबाट नाइट्राभेट ट्याब्लेट ५ पत्ता, डायजेल्याब इन्जेक्सन ६ पिस र फेर्नागन ट्याब्लेट ६ पिस बरामद भएको ईलाका प्रहरी कार्यालय कडरबोनाका प्रहरी निरीक्षक बिरेन्द्र पासवानले बताए ।
पक्राउ परेका दुवै जनामाथि थप अनुसन्धान भइरहेको जनाएको छ ।
