उमेश कुमार साह
बोदे बरसाइन, १६ माघ । सप्तरीको बोदे बरसाइन नगरपालिकामा आयोजना गरिएको एक कार्यक्रममा ४६ जनाले रक्तदान गरेका छन् ।
हरिशंकर सेवा समितिको सहयोग र रेडक्रस सोसाइटी लहानको प्राविधिक सहयोगमा लायन्स क्लब अफ काठमाडौं नोभेलाले सो कार्यक्रमको आयोजना गरेको हो ।
वडा नम्वर ५ स्थित आयोजना गरिएको कार्यक्रममा क्लबका सदस्य, बोदे बरसाइन नगर बजार व्यापार संघ, प्रहरी र स्थानीय युवा गरी ४६ जनाले रक्तदान गरेका हुन् । कार्यक्रमका प्रमुख अतिथि नगर प्रमुख आतेशकुमार सिंह यादवले रगतको अभाव हुन नदिन यस्ता किसिमले महत्वपूर्ण योग्दान गरेको बताए ।
सो कार्यक्रममा लायन्स कल्ब अफ काठमाडौं नोभेलाका अध्यक्ष गोमा दाहाल, नगरपालिकाका स्वास्थ्य संयोजक बैजनाथ साह, नगर बजार व्यापार संघ सचिव अनिल प्रसाद सिंह, हरिशंकर सेवा समितिका सचिव उमेश कुमार साह लगायतको उपस्थिती थियो ।
