राजविराज, ५ फागुन । सप्तरीको अग्निसाइर कृष्णसवरन गाउँपालिका–२ सितापुरका मिहिलाल चौधरीको घरबाट पशुचौपाया चोरी भएको छ ।
गए राति करिब ११ बजेतिर एक थान भैंसी र दुई थान हलो जोत्ने गोरु चोरी भएको चौधरीले जानकारी दिए । उनका अनुसार गोठमा रहेको चार थान मध्ये तीन थान पशुचौपाया चोरी भएको हो ।
‘गोठ नजिकैको गोहाली (घर)मा सुतेको थिए, राति करिब १२ बजेतिर निन्द्रा खुलेपछि गोठमा पुग्दा चौपाया नै नरहेको पाए’ चौधरीले भने–‘रातिदेखि नै चौतर्फी खोजे तर कत्तै भेटिन ।’
चोरीको प्रकृति हेर्दा गाडीमा लोड गरी चौपाया लगेको हुनसक्ने चौधरीको अनुमान छ ।
