राजविराज, २४ फागुन । मधेश प्रदेश सरकारले सप्तरीको राजविराजमा यातायात व्यवस्था कार्यालय स्थापना गर्ने निर्णय गरेको छ ।
आज विहान बसेको मन्त्रीपरिषद्को बैठकले राजविराजमा यातायात व्यवस्था कार्यालय स्थापना गर्ने निर्णय भएको हो ।
सिरहाको लहानस्थित यातायात व्यवस्था कार्यालयको सेवालाई विस्तार गर्दै राजविराजमा यातायात व्यवस्था कार्यालय स्थापना गर्ने कार्य बढाइएको मधेश सरकारका प्रवक्ता समेत रहेका अर्थ मन्त्री शैलेन्द्रप्रसाद साहले जानकारी दिए ।
‘कार्यालय स्थापना गर्ने सन्दर्भमा पूर्व स्वीकृतिसहितका सबै कार्य पूरा भइसकेको छ’ उनले मधेशलाइभसँग भने–‘अब कार्यालय स्थापना गर्ने कार्य कार्यान्वयनतर्फ अघि बढेको छ ।’
भवनसहितका आवश्यक पूर्वाधार व्यवस्थापन भएसँगै कर्मचारी पठाइने तयारी रहेको उनले बताए ।
