राजविराज । कोरोना भाइरस संक्रमणबाट सप्तरीमा थप १ जनाको मृत्यु भएको छ । राजविराज नगरपालिका वडा नं. २ का ६० वर्षीया महिलाको शनिबार राति मृत्यु भएको हो ।
ज्वरो आइरहेकी ती महिला केही दिनदेखि राजविराजस्थित निजी क्लिनकमा उपचार गराउँदै आएकी थिइन् । उनको अवस्था गम्भीर भएपछि शुक्रबार गजेन्द्रनारायण सिंह अस्पताल राजविराजको आकस्मिक कक्षमा ल्याइएको थियो । सोही लगत्तै स्वाब संकलन पनि गरिएको थियो ।
शनिवारै उनमा संक्रमण पुष्टि भएपछि उपचारका लागि विराटनगरतर्फ लग्ने क्रममा मृत्यु भएको जनाएको छ । स्वास्थ्य कार्यालय सप्तरीका निमित्त प्रमुख दुनियालाल यादवले थप एक जनाको मृत्यु भएको पुष्टि गरेका छन् । योसहित सप्तरीमा कोरोनाबाट मृत्यु हुनेको संख्या ६ पुगेको छ ।
