काठमाडौँ– प्रधानमन्त्री पुष्पकमल दाहाल प्रचण्डले आफ्नो चीन भ्रमणका क्रममा दुई देशबीच परम्परागत रुपमा घनिष्ट र सहयोगात्मकसम्बन्ध थप सुदृढ हुने विश्वास व्यक्त गरेका छन् ।
शुक्रबार प्रतिनिधिसभा बैठकमा आफ्नो संयुक्त राष्ट्रसंघ र चीन भ्रमणका विषयमा जानकारी गराउँदै प्रधानमन्त्री प्रचण्डले आफ्नोऔपचारिक चीन भ्रमणबाट दुई देशबीच रहिआएको परम्परागत घनिष्ट र सहयोगात्मक सम्बन्ध थप सुदृढ हुने तथा आपसी सहयोगकाक्षेत्रहरू थप विस्तार हुँदै जाने विश्वास व्यक्त गरे ।
संयुक्त राष्ट्रसंघमा गर्ने सम्बोधन र चीन भ्रमणको तालिकाबीच अत्यन्त छोटो समय रहेका कारण न्यूयोर्कबाट सिधै छिमेकी मित्रराष्ट्रचीनको भ्रमणमा जानुपर्ने परिस्थिति बन्न गएको उनले बताए । चीन भ्रमणले नेपाल–चीनबीच विद्यमान द्विपक्षीय सम्बन्ध थप उच्च रप्रगाढ हुने उनले बताए ।
प्रधानमन्त्री प्रचण्डले भ्रमणलाई नेपाल र नेपाली जनताको हित एवं नेपाल चीन सम्बन्धलाई थप मजबुत तुल्याउन सदुपयोग गर्ने प्रयासरहने जिकिर गरे । चीनमा रहँदा हाङ्गजाउमा नै चिनियाँ राष्ट्रपति सी चीनफिसँग भेटघाटको कार्यक्रम रहेको र सोही १९ औं एसियनगेमको समुद्घाटन समारोहमा सहभागी हुने उनले जानकारी दिए ।
