जनकपुरधाम । मुलुकभर पछिल्लो २४ घण्टामा थप ६१३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार यस सँगै कुल संक्रमितको संख्या २ लाख ५६ हजार ५९२ जना पुगेको छ ।
यसैगरी २४ घण्टामा ७३९ जना संक्रमित निको भएका छन् । यस सँगै निको हुनेको संख्याको २ लाख ४७ हजार ४ सय पुगेको छ ।
हाल मुलुकभर ७ हजार ३८४ जना सक्रिय संक्रमित छन् । यसैगरी पछिल्लो २४ घण्टामा कोरोना संक्रमणबाट थप ५ जनाको मृत्यु भएको छ । यस सँगै कोरोना संक्रमणबाट मृत्यु हुनेको संख्या १ हजार ८०८ पुगेको मन्त्रालयले जनाएको छ ।
