जनकपुरधाम । सरकार र जनता समाजवादी पार्टी (जसपा) नेपालबीच विहिवार साँझ भेटवार्ता भएको छ । भेटमा जसपाले सरकारमा सहभागी हुनका लागि राखेका तीन बुँदे सर्तमा प्रधानमन्त्री केपी शर्मा ओली सकारात्मक देखिएका छन् ।
सत्तारुढ दल एमालेका शीर्ष नेताहरूलाई राखेर प्रधानमन्त्री ओलीले जसपाका अध्यक्ष महन्थ ठाकुर र उपेन्द्र यादव, वरिष्ठ नेता राजेन्द्र महतो, अशोक राईलगायतका नेता एमालेसँग भेटवार्ता गरेका थिए ।
प्रधानमन्त्रीको सरकारी निवास बालुवाटारमा भएको भेटमा जसपाले कैदी बन्दीको रिहाइ, मुद्दा फिर्ता र संविधान संशोधन बटम लाइन राखेका छन् । मागप्रति प्रधानमन्त्री सकारात्मक रहेको एक सहभागीले बताएका छन् ।
एमालेले जसपासँग वार्ता गर्न सुवास नेम्वाङ, विष्णु पौडेल र राजन भट्टराई रहेको एक कार्यदल बनाएको छ ।
