राजविराज, ६ चैत । सप्तरीको कञ्चनरुप नगरपालिका–११ मा आज (शुक्रवार) विहान ट्रकले ट्याक्टरलाई ठक्करबाट एक जनाको मृत्यु भएको छ ।
पूर्व पश्चिम राजमार्ग अन्तर्गत ना ६ ख ३४२५ नम्वरको ट्रकले विहान साढे १ बजेतिर ना ६ त ६१९९ नम्वरको ट्याक्टरलाई पछाडिबाट ठक्कर दिँदा दुर्घटना भएको हो ।
दुर्घटनामा बारा दक्षिण झिटकैया–८ का ३५ वर्षीय जलिल मियाँ मन्सुरीको मृत्यु भएको छ । गम्भीर घाइते भएका मन्सुरीको गजेन्द्रनारायण सिंह अस्पताल राजविराजमा उपचारको क्रममा मृत्यु भएको जिल्ला प्रहरी कार्यालयका प्रहरी नायव उपरीक्षक धामव प्रसाद काफ्ले जानकारी दिए । ठक्कर दिने ट्रक चालक फरार रहेकाले उनको खोजी कार्य भइरहेको जनाएको छ ।
