जनकपुरधाम, २ साउन । प्रदेश २ सरकारमा नेकपा माओवादी केन्द्रलाई सहभागी गराउन दुई जना मन्त्रीले राजीनामा दिएका छन् ।
राजीनामा दिएका सरकारका प्रवक्ता समेत रहेका आन्तरिक मामिला तथा कानूनमन्त्री ज्ञानेन्द्र कुमार यादव र राज्यमन्त्री सरोजसिंह कुशवाहालाई मुख्यमन्त्री लालबाबु राउतले आज विदाई गरेका हुन् ।
राजीनामा दिएका मन्त्री यादवले स्वच्छाले राजीनामा दिएको मधेशलाइभलाई प्रतिक्रिया दिए । ‘अग्रगामी राजनितिक शक्तिहरु विरुद्ध एकजुट भएर अघि बढ्नुपर्ने अहिलेको आवश्यकता हो, त्यसअनुसार कसै न कसैलाई त राजीनामा दिनैपर्थ्यो’ उनले भने–‘त्यसैले मैले नै स्वच्छाले राजीनामा दिएको हुँ ।’
उनले वर्तमान राजनितिक परिवेशअनुसार संघीयतालाई संस्थागत गर्न जसपा नेपाल र प्रदेश सरकार अघि बढेको बताए ।
