जनकपुरधाम । प्रधानमन्त्री तथा कांग्रेस सभापत शेरबहादुर देउवा र भारतीय जनता पार्टी (भाजपा) का नेता विजय चौथाइवालेबीच भेटवार्ता भएको छ । आइतबार बालुवाटारमा भएकाे भेटमा चौथाइवालेले भारतीय प्रधानमन्त्री नरेन्द्र मोदीले पठाएको सन्देश सुनाएको प्रधानमन्त्रीको सचिवालयले जनाएको छ ।
ट्विटरमार्फत चौथाइवालेले आफू र देउवाबीच दुई पार्टीबीचकाे सम्बन्धलाई थब बलियाे बनाउने सहमति भएकाे जनाएका छन् ।
भाजपाकाे विदेश विभाग प्रमुखसमेत रहेका उनी नेपाली कांग्रेसको निमन्त्रणामा चार दिने अनौपचारिक भ्रमणका लागि नेपाल आएका हुन् ।
नेपाल रहँदा उनले विभिन्न दलका शीर्ष नेताहरूसँग भेटवार्ता गर्ने बताइएकाे छ ।
