जनकपुरधाम । महोत्तरीको सोनमा गाउँपालिका–३, रघुनाथपुरमा दुईवटा मोटरसाइकल आपसमा ठोक्किँदा एकजनाको मृत्यु भएको छ । दुईजना घाइते छन् ।
खयरवनीबाट सम्सीतर्फ जाँदै गरेको भारतीय नम्बरको मोटरसाइकल र विपरीत दिशाबाट आउँदै गरेको ज९प ३८५० नम्बरको मोटरसाइकल गए राति करिब ९ बजे आपसमा ठोक्किएका थिए ।
मृत्यु हुनेमा भारतीय नम्बरको मोटरसाइकल चालक सोनमा गाउँपालिका–५ का ३० वर्षीय उदयकुमार यादव रहेका छन् । दुर्घटनामा गम्भीर घाइते भएका उनको उपचारको क्रममा जानकी हेल्थ केयरमा राति नै मृत्यु भएको हो ।
घाइते भएका अर्का मोटरसाइकल चालक सोनमा गाउँपालिका–३ का २२ वर्षीय ललिन्द्र यादव र सोही मोटरसाइकलमा पछाडि सवार २७ वर्षीय दामोदर यादवको नवजीवन अस्पताल जनकपुरमा उपचार भइरहेको प्रहरीले जनाएको छ ।
