राजविराज । सुनसरीको कोशी गाउँपालिका-३ जमुवा चोकस्थित पुर्व पश्चिम राजमार्गमा पिकअपको ठक्करबाट मोटरसाईकल चालकको मृत्यु भएको छ । मोटरसाईकल पछाडी सवार एक जना घाईते भएका छन् ।
मृत्यु हुनेमा सप्तरी महादेवा गाउँपालिका ६ का ३५ वर्षीय रामनाथ मण्डल रहेका छन् । हिजो दिउँसो १२ बजे पश्चिमतर्फ जादै गरेको प्र २-०३-००१ च ३००७ नम्बरको पिकअपले विपरित दिशाबाट आउँदै गरेको प्र २-०१-००२ प ५६५ नम्बरको मोटरसाईकललाई ठक्कर दिएको थियो ।
सो दुर्घटनामा गम्भीर घाइते भएका मोटरसाईकल चालक रामनाथको जिल्ला अस्पताल ईनरुवामा उपचारको क्रममा मृत्यु भएको हो ।
मोटरसाईकल पछाडी सवार सप्तरी हुनुमान कंकालिनी नगरपालिका ११ का १९ बर्षीय सन्तोष कुमार मण्डलको नोवेल अस्पताल विराटनगरमा उपचार भईरहेको छ ।
ठक्कर दिने पिकअप र चालक सर्लाही बर्छवा ९ का २३ बर्षीय अंशकुमार साह प्रहरीको नियन्त्रणमा रहेका छन् ।
