काठमाडौं । स्वास्थ्य मन्त्रालयले मुलुकभित्रै कोरोनाभाइरसको नयाँ भेरिएन्ट आउने जोखिम रहेको भन्दै सतर्क हुन नागरिकलाई आग्रह गरेको छ ।
मन्त्रालयद्वारा आज आयोजित नियमित प्रेस ब्रिफिङमा प्रवक्ता कृष्णप्रसाद पौडेलले नयाँ भेरिएन्ट बन्ने जोखिम देखिएकाले जनस्वास्थ्यका मापदण्ड कडाइका साथ पालना गर्न आग्रह गरे ।
दोस्रो लहरअघि अल्फा भेरिएन्ट र दोस्रो लहरमा डेल्टा प्रजाति देखिएको भन्दै उनले मुलुकभित्रै नयाँ भेरिएन्ट बन्ने जोखिम देखिएको बताएका हुन् । ‘नयाँ भेरिएन्ट आउने जोखिम कायमै छ’ उनले भने ।
दशैंतिहार जस्ता ठूला चाडपर्व नजिकिँदै गरेको बेला आवागमन र भीडभाड बढ्न सक्ने भन्दै भेरिएन्ट आउन सक्ने कुरा औंल्याएका हुन् । ‘भेरिएन्ट अफ कन्सर्न नभएका तर, ध्यान दिनुपर्ने चाहिँ नयाँ भेरिएन्टतर्फ हो’ उनले भने ।
बुधबार मुलुकमा १४ सय संक्रमित थपिएका छन् र दैनिक संक्रमण दर ११ प्रतिशत छ ।
