जनकपुर, ७ पुस। शिक्षक सेवा आयोगले विभिन्न विषयमा साढे दुई हजार शिक्षकका लागि बिज्ञापन खुला गरेको छ । बुधवार आयोगले विभिन्न कोटामार्फत शिक्षक पदपुर्तीका लागि बिज्ञापन खुलाएको हो ।
विज्ञापनमा निम्नमाध्यमिक तृतीय श्रेणी शिक्षक पदका लागि दुई हजार ५९८ जना माग गरिएको छ । योग्यता पुगेका उम्मेदवारहरुले आज (बुधवार)बाट माघ १३ गतेसम्म दोब्बर दस्तुरमा आवेदन दिन सक्नेछन् ।
सिंगल दस्तुरमा फारम भर्ने मिति माघ ६ गते सम्मको मात्रै रहेको छ । मागको किसिमममा खुला तथा समावेशी रहेको छ । आदिवासी जनजाति प्रमाणपत्र भएकाहरुले उक्त कोटाका लागि पन फारम भर्न सक्नेछन् ।
विषयगत विज्ञापनमा सबैभन्दा बढी अङ्ग्रेजी विषयका लागि ६२४, विज्ञान विषयका लागि ४३७, नेपाली विषयमा ४३७, गणितमा ३७१, सामाजिक अध्ययनमा ३५३, शुक्लयर्वेदमा एक, गणित–विज्ञानमा ३६४, संस्कृत व्याकरणमा तीन, संस्कृत भाषामा चार, संस्कृत कर्मकाण्डमा एक शिक्षक माग गरिएको छ ।
getfiles
