मोरङ, १७ जेठ । मोरङको विराटनगर–१५ रानीस्थित जनता मेडिकल स्टोरका सञ्चालकलाई औषधी कालोबजारी गरेको आरोप पक्राउ गरिएको छ । जिल्ला प्रहरी कार्यालय मोरङ र ईलाका प्रहरी कार्यालय रानीबाट खटिएको प्रहरी टोलीले सोही ठाउँका ३५ वर्षीय रविकुमार रजकलाई आइतवार दिउँसो पक्राउ गरेको हो ।
विशेष सूचनाको आधारमा रजकको घरबाट फिजिसियन स्याम्पलका औषधीहरु, मुटु सम्बन्धी औषधीहरु, पेनकिलर, एन्टिबाईटिक, ईन्जेक्सन, बच्चाको कफ सम्बन्धी औषधीहरु र स्थानिटाइजर लगायत ४६ कार्टुन, एक बोरा तथा ७ कार्टुन लेवलिङ गरेको औषधी बरामद गरिएको जिल्ला प्रहरी कार्यालय मोरङले जनाएको छ ।
रजकले औषधीहरु भण्डारण गर्ने र कालोबजारी गरी झुक्याई बिक्री बितरण गर्ने गरेको प्रारम्भिक अनुसन्धानबाट खुलेसँगै कालोबजार तथा केही अन्य सामाजिक अपराध तथा सजाय ऐन, २०३२ बमोजिम थप अनुसन्धान भईरहेको जनाएको छ ।
