बिराटनगर । प्रदेश १ को प्रदेश बैठक बोलाउने तयारी सुरु भएको छ । बैठक बोलाउने तयारी स्वरुप मंगलबार प्रदेश न १ का मुख्यमन्त्री शेरधन राईले प्रदेश सभामा प्रतिनिधित्व गर्ने संसदीय दलका नेतासँग छलफल गरेका हुन् ।
आगामी बजेट अधिवेशन र कोभिड माहामारीका विषयमा मुख्यमन्त्री राईले उनिहरुसँग छलफल गरेको मुख्यमन्त्रीका प्रेस सल्लाहकार ध्रुव सुवेदी जानकारी दिए । छलफलमा नेपाली कांग्रेस संसदीय दलका नेता राजीव कोइराला, नेकपा माओवादी केन्द्र संसदीय दलका नेता इन्द्रबहादुर आंबो र जनता समाजबादी पार्टी संसदीय दलका नेता जयराम यादवको उपस्थिति थियो ।
छलफलका क्रममाा मुख्यमन्त्री राईले सरकारले केही दिन भित्रै संसद बैठक बोलाउन लागेको जानकारी गराएका प्रेस सल्लाहकार सुवेदीले बताए । बढ्दो रुपमा फैलिएको कोरोना भाइरसको रोकथाम, नियन्त्रण, खोप र उपचारको विषयमा समेत छलफल भएको छ । सरकारले संसदबाटै बजेट प्रस्तुत गर्ने र अनावश्यक शंका नर्गन समेत विपक्षी दलका नेतालाई मुख्यमन्त्री राईले आग्रह गरेका छन् ।
