जनकपुर । जनता समाजवादी पार्टी (जसपा) नेपालका संघीय परिषद् अध्यक्ष डा.बाबुराम भट्टराईले सर्वोच्चको अदालतको फैसलापछि अब कुनै किन्तुपरन्तु गर्ने ठाउँ नरहेको बताएका छन् ।
उनले आज सामाजिक सञ्जालमार्फत संविधानलाई ट्याकमा ल्याएर प्रतिनिधिसभाबाट स्थित सरकार दिनुपर्नेमा जोड दिएका हुन् । ‘अब कुनै किन्तुपरन्तु गर्ने ठाउँ छैन् । संविधानलाई ट्रयाकमा ल्याएर प्रतिनिधिसभाबाट स्थिर सरकार दिऊँ’ उनले लेखेका छन्–‘प्रतिगमनकारीलाई दण्डित गरौं !’
उनले अदालत र संसद पुर्नस्थापनाको अभियानमा संलग्न सबैलाई बधाई र धन्यवाद समेत दिएका छन् । ‘खड्गप्रसाद एण्ड कम्पनीको असंवैधानिक/प्रतिगमनकारी हर्कतलाई सर्वोच्च अदालतले पुनः एकपटक रोकेकोमा अदालतलाई र यस अभियानमा संलग्न सबैलाई हार्दिक वधाइ/धन्यवाद !’
