धनुषा, ११ माघ । धनुषामा कोरोना भाइरस सक्रिय संक्रमितको संख्या झण्डै साढे चार सय पुगेको छ । जिल्ला प्रशासन कार्यालयको तथ्यांकअनुसार आज थप ३४ जना संक्रमित थपिएका छन् ।
पछिल्लो २४ घण्टामा १३२ जनाको पिसिआर परीक्षण गरिएको थियो । जसमा ३४ जना संक्रमित देखिएका छन् । योसँगै जिल्लामा सक्रिय संक्रमितको संख्या ४३१ पुगेको हो ।
ती सबै संक्रमितहरु होम आइसोलेसनमा छन् । त्यस्तै आज २२ जना संक्रमणमुक्त भएका छन् ।
