जनकपुरधाम । मधेश प्रदेशका तीन जिल्लाका अति विपन्न परिवारलाई ग्यास चुल्हो र ग्यास सिलिण्डर लगायतका सामग्री उपलब्ध गराइने भएको छ ।
भारतीय दूतावासको सहयोगमा सप्तरी, सर्लाही र रौतहटका अति विपन्न परिवारलाई सो सामग्री वितरण गर्न लागेको हो । सो सामग्री वितरण गर्नका लागि भारतीय दूतावास र नेपाल–भारत महिला मैत्री समाजबीच समझदारी पत्रमा हस्ताक्षर भएको छ ।
सामग्री विवरण गर्नका लागि दूतावासले दुई करोड ५ लाख रुपैयाँ उपलब्ध गराइने र तीन वटै जिल्लाका झण्डै ३ हजार परिवारलाई सामग्री वितरण गरिने समाजकी अध्यक्ष एवम् सांसद चन्दा चौधरीले जानकारी दिए ।
