राजविराज, १२ चैत । सप्तरीको हनुमाननगर कंकालिनी नगरपालिकाबाट प्रहरीले ठुलो परिमाणको गाँजा बरामद गरेको छ ।
सशस्त्र प्रहरीले वडा नम्बर १ स्थित नहरको झाडीमा राखिएको ७८ किलो गाँजा आज बरामद गरेको हो । विशेष सुचनाको आधारमा सशस्त्र प्रहरी बल नेपाल ६ नम्बर गण हेड क्वाटर सप्तरीबाट प्रहरी उपरीक्षक प्रदिप खडकाको नेतृत्वमा खटिएको गस्ती टोलीले सो गाँजा बरामद गरेको छ ।
बरामद गरिएका सो गाँजा जिल्ला प्रहरी कार्यालयमा बुझाइएको छ ।
