जनकपुरधाम । सर्लाहीको फुलजोरमा आज (आइतवार) बस दुर्घटना हुँदा चार जनाको मृत्यु भएको छ । दुर्घटनामा अन्य दुई दर्जन बढी यात्रु घाइते भएका छन् ।
पूर्व–पश्चिम राजमार्ग अन्तर्गत वीरगंजबाट जनकपुरतर्फ आइरहेकोे ना ४ ख ८५५५ नम्बरका यात्रुबाहक बस खोलामा खसेर दुर्घटना भएको हो ।
दुर्घटनामा चार जनाको मृत्यु भएको जिल्ला ट्राफिक प्रहरी कार्यालयका प्रमुख केदारमान दोङले जानकारी दिए । उनका अनुसार मृत्यु भएकाहरुको पहिचान खुल्न सकेको छैन् । दुर्घटनाका घाइतेहरुलाई उपचारका लागि अस्पतालतर्फ पठाइएको जनाएको छ ।
