जनकपुरधाम । पछिल्लो २४ घण्टामा भारतमा ८६ हजार ५०८ कोरोना संक्रमित थपिएका छन् । भारतमा कोरोना संक्रमितको संख्या ५७ लाख ३२ हजार ५१८ पुगेको विश्व स्वास्थ्य संगठनको तथ्यांकमा उल्लेख छ ।
भारतमा कोरोनाले ज्यान गुमाउनेको संख्या ९१ हजार १४९ पुगेको छ । पछिल्ला केही हप्ता यता भारतमा सामान्तया ९ सय देखि १३ सयको बीचमा कोरोना संक्रमितको मृत्यु हुँदै आएको छ ।
पछिल्लो २४ घण्टामा १ हजार १२९ संक्रमितको ज्यान गएको छ । भारतमा रेल्वे सेवा सञ्चालनमा आएसँगै कोरोना संक्रमण तीव्र गतिमा समुदाय स्तरमा फैलिरहेको छ ।
विश्वमा २४ घण्टामा २ लाख ९८ संक्रमित थपिए
विश्वभर पछिल्लो २४ घण्टामा २ लाख ९८ हजार ८५ मा कोरोना संक्रमण पुष्टि भएको छ । विश्व स्वास्थ्य संगठनका अनुसार यो अघिल्लो दिनको तुलनाका निकै धेरै हो ।
अघिल्लो २४ घण्टामा २ लाख ५२ हजार ८९९ जनामा कोरोना संक्रमण पुष्टि भएको थियो । विश्वमा हालसम्म ९ लाख ७३ हजार ६५३ संक्रमितको ज्यान गइसकेको तथ्यांकमा उल्लेख छ ।
पछिलो २४ घण्टामा ५ हजार ९१८ संक्रमितको मृत्यु भएको छ । संक्रमितको संख्या ३ करोड १७ लाख ९८ हजार ३०८ पुगेको छ ।
