राजविराज–सुनसरीको बराहक्षेत्र नगरपालिका–६ शिसौलीघाटबाट २४५ किलो गाँजा बरामद भएको छ। सशस्त्र प्रहरी बलले उक्त गाँजा बरामद गरेको सहप्रवक्ता एवं डिएसपी शैलेन्द्र थापाले जानकारी दिए।
सप्तकोशी नदी हुँदै उत्तरबाट दक्षिणतर्फ गाडीको ट्युबमा बाधेर ल्याउँदै गरेको ८ बोरा गाँजा र ३ थान ट्युब सशस्त्र प्रहरी बलले बरामद गरेको हो।
सशस्त्र प्रहरी बल, नेपाल सुरक्षा बेश चतरा र नेपाल प्रहरीको संयुक्त टोलीले उक्त गाँजा र ट्युब बरामद गरेको हो।
बरामद गाँजा र ट्युब आवश्यक कारवाहीको लागि ईलाका प्रहरी कार्यालय महेन्द्रनगर चक्रघट्टीमा बुझाइएको छ।
