जनकपुरधाम । पछिल्लो २४ घण्टामा थप २ हजार १०३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार सोही अवधिमा २ हजार ८५८ जना डिस्चार्ज भएका छन् ।
थपिएका संक्रमितसँगै नेपालमा कुल संक्रमितको संख्या २ लाख १५ हजार २० जना पुगेको छ । यसैगरी संक्रमणमुक्त हुनको संख्या १ लाख ८५ हजार ६३८ जना पुगेको स्वास्थ्य मन्त्रालयको तथ्यांकमा छ ।
हाल देशभरि सक्रिय संक्रमितको संख्या २८ हजार १०६ रहेको छ ।
पछिल्लो २४ घण्टामा देशभर थप १७ जनाको कोरोना संक्रमणबाट मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १ हजार २७६ पुगेको छ ।
