जनकपुरधाम, १० मंसिर । देशभर पछिल्लो २४ घण्टामा १ हजार ९४८ कोरोना संक्रमित थपिएका छन् । स्वास्थ्य तथा जनसंख्या मन्त्रालयको अद्यावधिक तथ्यांकअनुसार योसँगै कोरोना संक्रमितको संख्या २ लाख २६ हजार २६ पुगेको छ ।
यसैगरी २४ घण्टामा ३ हजार १४० जना डिस्चार्ज भएका छन् । योसँगै निको हुनेको संख्या २ लाख ७ हजार ९९८ पुगेको छ ।
हाल देशभर सक्रिय संक्रमितको संख्या हालसम्म १६ हजार ६३९ छ । यसैगरी ६६९ जना क्वारेन्टाइनमा छन् ।
कोरोनाबाट थप २८ जनाको मृत्यु
पछिल्लो २४ घण्टामा कोरोना संक्रमणबाट थप २८ जनाको मृत्यु भएको छ । योसँगै कोरोनाबाट मृत्यु हुनेको संख्या १ हजार ३८९ पुगेको तथ्यांकमा छ ।
