जनकपुरधाम । नेपालमा पनि कोरोना भाइरसको नयाँ लहर फैलिएको भन्दै शिक्षण संस्था, फिल्म हल, पार्टी प्यालेस बन्द गर्न सिफारिस गरिएको छ । स्वास्थ्य मन्त्रालयले सोमाथि छलफल गर्न कोभिड–१९ संकट व्यवस्थापन केन्द्र (सीसीएमसी)मा सिफारिस गरिएको स्वास्थ्य मन्त्रालयको प्रवक्ता डा.जागेश्वर गौत्तमले जानकारी दिए ।
उनले मधेशलाइभसँग कुरा गर्दै भने–‘नयाँ खालका युके भेरियन्टको असर युवाहरुमा देखियो । हामीले पठनपाठन भर्चुअल माध्यमबाट गरौं भनेर विद्यालयहरु बन्द गर्न सिफारिस गरेका छौं । वालवालिकाहरुलाई कुनै जोखिम नहोस भन्नेमा सरकार गम्भीर छ ।’
सीसीएमसीको बैठकमा छलफलपछि सोबारे निर्णय लिइने उनले बताए ।
