जनकपुरधाम । कोरोना भाइरस (कोभिड–१९) संक्रमणबाट विश्वभर आजसम्म साढे ८ करोड मानिस प्रत्यक्ष प्रभावित भएको छ । आजसम्म ८ करोड ५४ लाख ९३ हजार ३८४ जना कोरोना संक्रमित भएको वल्र्डोमिटर्सको तथ्यांक छ ।
पछिल्लो २४ घण्टामा मात्र ५ लाख ७ हजार १६३ कोरोनाका संक्रमित थपिएका छन् । विश्वका २ सय बढी देशमा फैलिएको कोरोनाका कारण १८ लाख ५० हजार २४३ जनाले ज्यान गुमाएका छन् ।
पछिल्लो २४ घण्टामा मात्र विश्वभरमा कोरोनाका कारण ७ हजार ९७ जनाले ज्यान गुमाएका छन् ।
संक्रमितमध्ये छ करोड ४ लाख ४४ हजार ४५८ जना निको भइसकेको वल्र्डोमिटर्सले जनाएको छ ।
