जनकपुरधाम । पूर्वप्रधानमन्त्री एवं जनता समाजवादी पार्टी (जसपा) नेपालका संघीय परिषद् अध्यक्ष डा.बाबुराम भट्टराईले विपन्न र भुमिहीन दलित समुदायको समस्यातर्फ सरकारले ध्यान नदिनु बिडम्वनापूर्ण भएको बताएका छन् ।
उनले आइतवार ट्वीट गर्दै विपन्न र भुमिहीन दलित समुदायकानिम्ति जमिन, आवास, शिक्षा र रोजगारीको व्यवस्था राज्यले गर्नुपर्ने कुरा संविधानमै रहेको बताए । यद्यपी, कम्युनिष्ट पार्टीको सरकारले समेत यसलाई जोड नदिनु बिडम्वनापूर्ण भएको डा.भट्टराईले लेखेका छन् ।
उनले प्रदेश २ का सरकारलाई पनि यो समस्यातर्फ ध्यान दिन सुझाव दिएका छन् । उनले लेखेका छन्, ‘२ नंं. प्रदेश पनि प्रत्येक वर्ष यो आवास उठ्छ तर…। केही गर साथीहरु हो, नत्र केपीलाई मात्र के भन्ने ?’
विपन्न र भूमिहीन दलित समुदायकानिम्ति जमिन,आवास,शिक्षा,रोजगारीको व्यवस्था राज्यले गर्नुपर्ने कुरा नेपालको संविधानमै छ!कम्युनिष्ट पार्टीको सरकारले समेत यसलाई जोड नदिनु बिडम्वनापूर्ण छ।२ नं प्रदेशमा पनि प्रत्येक बर्ष यो आवाज उठ्छ तर…!केही गर साथीहरू हो,नत्र केपीलाई मात्र के भन्ने? https://t.co/fl4V68ZySu
— Baburam Bhattarai (@brb1954) February 28, 2021
