जनकपुरधाम । सरकार र नेपाल कम्युनिस्ट पार्टी (विप्लव समूह) बीच बिहिबार ३ बुँदे सहमति भएको छ । प्रधानमन्त्री निवास बालुवाटारमा भएको वार्ताबाट भएको सहमतिअनुसार विप्लव समूहले आफ्नै सबै राजनीतिक क्रियाकलाप शान्तिपूर्ण रूपमा गर्ने सहमति भएको छ ।
यसैगरी विप्लवमाथि सरकारले लगाएको प्रतिबन्ध हटाउने, सम्पूर्ण बन्दीको रिहाइ र मुद्दा खारेज लगायतका विषयमा सहमति भएको छ । सहमतिको विस्तृत विवरण (फागुन २१ गते) शुक्रबार दिनको २ बजे विशेष समारोहकाबीच सार्वजनिक गरिनेछ ।
सो समारोहमा नेपाल सरकारकोतर्फ प्रधानमन्त्री केपी शर्मा ओली र विप्लव समूहकोतर्फ महासचिव विप्लवले सम्वोधन गर्ने सरकारी वार्ता टोलीका संयोजक गृहमन्त्री रामबहादुर थापा ‘बादल’ र विप्लव समूहका प्रवक्ता एवं वार्ता टोली प्रमुख ‘प्रकाण्ड’ले हस्ताक्षर गरेको प्रेस नोटमा उल्लेख छ ।
