काठमाडौं । नेपालमा पछिल्लो २४ घण्टामा थप ३ हजार ६५१ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयका अनुसार १६ हजार ५९४ जनाको परीक्षण गर्दा त्यति संख्यामा संक्रमण पुष्टि भएको हो ।
योसँगै संक्रमितको कुल संख्या ७ लाख १७ हजार नाघेको छ । सोही अवधिमा कोरोनाबाट थप २२ जनाको कोभिड संक्रमितको मृत्यु भएको छ । योसँगै मृतकको संख्या १० हजार ११५ पुगेको छ ।
अहिले कुल परीक्षणको २२ प्रतिशतमा संक्रमण देखिएको मन्त्रायलको तथ्याङ्कले देखाएको छ ।
