राजविराज, ११ पुस । सप्तरीमा एक जनप्रतिनिधि सहितका व्यक्तिले जनमत पार्टीको कोणसभालाई लक्षित गरी कार्यकर्तामाथि प्रहार गरेको भन्दै पार्टीले दोषीलाई कार्वाही गर्न माग गरेको छ ।
जिल्लाको हनुमाननगर कंकालिनी नगरपालिका-११ स्थित सामुदायिक भवनमा आयोजित कार्यक्रममा सोही वडाका वडाध्यक्ष मोहित नरायण यादवले पार्टीको कार्यकर्तामाथि आक्रमण गरिनुका साथै मोटरसाइकलमा समेत तोडफोड गरेको पार्टीका सचिव थानेश्वर साहले विज्ञप्ती जारी गर्दै जानकारी गराएका हुन् ।
विज्ञप्तिमा यस प्रकारको अराजक एवं निन्दनीय हर्कतको जिल्ला कार्यकारिणी समितिले घोर विरोध एंव भत्र्सना गर्दै दोषीलाई कडा कार्वाही गर्न विज्ञप्ती मार्फत माग गरिएको छ । साथै मोटरसाइकलमा भएको क्षतिको उचित क्षतिपुर्ति समेत उपलब्ध गराईदिन सम्बन्धित निकायसँग आग्रह गरिएकाे छ ।
