मंगलबार २४ सय संक्रमित थपिए, काठमाडौं उपत्यकामा एकैदिन १२८६ संक्रमण पुष्टि

काठमाडौं । पछिल्लो २४ घण्टामा मुलुकमा २४४४ जना कोभिड संक्रमित थपिएका छन् । स्वास्थ्य मन्त्रालयका अनुसार १५ हजार ३३ नमुना (१० हजार ६४८ पीसीआर र ४६३ एन्टीजेन) परीक्षण गर्दा ती संक्रमित थपिएका हुन् ।

आजै कोभिड संक्रमणले थप १ जनाको मृत्यु भएको छ भने ३१३ जना डिस्चार्ज भएका छन् ।

मंगलबार काठमाडौं उपत्यकामा १२८६ जना संक्रमित थपिएका छन् । जसमध्ये ९८० जना काठमाडौंमा, ललितपुरमा २११ र भक्तपुरमा ८५ जना संक्रमित थपिएका छन् ।

मुलुकभर सक्रिय संक्रमित संख्या ९५२२ पुगेको छ । पछिल्लो २४ घण्टामा १ लाख ८० हजारले कोभिडविरुद्धको खोप लगाएका छन् ।

पछिल्लो अवधीमा बढी संक्रमित हुने उमेर समूहमा २१ देखि ३० वर्षका ६३६ जना, ३१ देखि ४० वर्षका ४९९ जना छन् । १० वर्षसम्मका बालबालिका ४० जना र ११ देखि २० वर्ष उमेरका बालबालिका १७५ जना छन् ।

मुस्ताङ र मुुगुबाहेक ७५ जिल्लामै संक्रमण फैलिएको छ । काठमाडौं, ललितपुर र भक्तपुरमा सक्रिय संक्रमित संख्या ५०० भन्दा माथि छ । सुनसरी, मोरङ, चितवन, कास्की, बाँके र कैलालीमा सक्रिय संक्रमित संख्या २०० भन्दामाथि छ ।

Author:

क्याटोगरी छान्‍नुहोस