जनकपुरधाम । नेपालमा थप ६ हजार ४ सय ६२ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा १७ हजार ४३७ जनाको नमूना परीक्षण गर्दा ६ हजार ४ सय ६२ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार, काठमाडौंमा २८६८, ललितपुरमा ६०२ र भक्तपुरमा ३२१ जनामा कोरोना पुष्टि भएको छ ।
पछिल्लो २४ घण्टामा १ हजार ४ सय १६ जना कोरोना संक्रमणमुक्त भएका छन् भने चार जनाको मृत्यु भएको छ ।
याेसँगै देशभर कोरोनाका सक्रिय संक्रमितको संख्या ७७ हजार ४० पुगेको छ ।
