राजविराज । नेपाली कांग्रेस सप्तरीको नयाँ नेतृत्व चयनका लागि मंगलबार भएको मतदानको मतगणना जारी रहेको छ ।
आज विहानबाट सुरु भएको मतगणनाको पछिल्लो विवरणअनुसार करिब ८० प्रतिशत मतगणना भइसकेको छ ।
जसअनुसार संस्थापन इतर प्यानलबाट सभापति पदका उम्मेदवार रामदेव साहले ८८३ मत प्राप्त गरेका छन् भने संस्थापन प्यानलका उम्मेदवार सत्रुधनप्रसाद यादवले ८४५ मत ल्याएका हुन् । निर्वाचन समितिका अनुसार क्षेत्र नं. १, २ र ३ को मतगणना सकिएको छ ।
कांग्रेस सप्तरीमा कुल २ हजार ५३५ मतदाता छन् । जसमध्ये २ हजार ३४२ जनाले मतदान गरेका थिए ।
