विराटनगर । प्रहरीले झापा र मोरङबाट प्रतिबन्धित लागुऔषध ब्राउन सुगर सहित दई जनालाई पक्राउ गरेको छ । पक्राउ पर्नेमा झापाको कन्काई नगरपालिका–३ को ३० बर्षीय अरुण प्रधान र सुनसरीको इटहरी–४ का ४० बर्षीय राजेन्द्र केसि रहेका छन् ।
झापाको मेचीनगर नगरपालिका–६ बाट प्रधानलाई २ ग्राम ब्राउन सुगर र मोरङको विराटनगर महानगरपालिका–१५ बाट केसिलाई ७ ग्राम ब्राउन सुगर सहित पक्राउ गरेको हो । प्रतिबन्धित लागुऔषध सहित पक्राउ परेका दुवै जनामाथि थप अनुसन्धान भईरहेको प्रहरीले जनाएको छ ।
