जनकपुरधाम – आगामी मंसिर ४ मा हुने प्रतिनिधि सभा र प्रदेश सभा निर्वाचनको कार्यतालिका अनुसार आज उमेदवारको नामावली प्रकाशन गरिँदैछ ।
उम्मेदवार विरुद्ध सोमबार परेका उजुरीमाथि मंगलबार दिनभर छानबिन गरेर साँझ ५ देखि ७ बजेसम्म उम्मेदवारको नामावली प्रकाशन गरिने आयोगले जनाएको छ ।
उम्मेदवारहरुलाई आफ्नो उम्मेदवारी फिर्ता लिन भोलि बुधबार बिहान १० बजेदेखि दिउँसो १ बजेसम्मको समय तोकिएको छ ।
बुधबार नै ३ बजेभित्र उम्मेदवारको अन्तिम नामावली प्रकाशन गर्ने र ५ बजेभित्र उम्मेदवारलाई निर्वाचन चिन्ह प्रदान गर्ने निर्वाचन तालिका छ ।
