उमेश कुमार साह
बोदे वरसाईन, २३ मंसिर । सप्तरीको बोदे वरसाईन नगरपालिकाले महिला सशक्तीकरण, हक अधिकार सुनिश्चितताका लागि प्रेषण प्रणाली सम्बन्धी कार्यविधी ऐन–२०७७ र स्थानीय लैङ्गिक हिंसा निवारण कोष संचालन कार्यविधी ऐन–२०७७ सम्बन्धी निर्णय पारित गरेको छ ।
नगर कार्यपालिकाको बैठकले सो निर्णय पारित गरिएको प्रमुख प्रशासकीय अधिकृत गजेन्द्र नाथ शर्माले जानकारी दिए । उनले नगरपालिका छिट्टै स्थानीय लैङ्गिक हिंसा निवारण कोष स्थापना गरि संचालनमा ल्याउने बताए ।
नगरपालिका नगर प्रमुख आतेश कुमार सिंह यादवले महिलाको हक अधिकार सुनिश्चितता र सुरक्षा प्रत्याभूति गराउन महत्वपूर्ण गरिएको बताए । सोे निर्णयले नगरपालिकाभित्र अन्यायमा परेका महिलाहरुलाई न्यायको पहुँचमा ल्याउन सहजता प्राप्त हुने मेयर यादवले विश्वास व्यक्त गरे ।
लैङ्गिक हिंसा निवारण कोष स्थापना सम्बन्धी कानुनी सहजीकरण समग्र जन उत्थान केन्द्र लहान सिरहाले गरेका थिए ।
