राजविराज, १४ फागुन । नेपालको पहिलो चार्टड एकाउटेन्ट (सिए) कुबेरप्रसाद शर्माको ८१ वर्षको उमेरमा निधन भएको छ ।
उपचारको क्रममा साँझ ५ बजेतिर मेडिसिटी हस्पिटल काठमाडौंमा उनको निधन भएको परिवारीक श्रोतले जनाएको छ ।
पूर्व पर्यटन मन्त्री एवं पूर्व सांसद समेत रहेका शर्मा सप्तरीको राजगढ गाउँपालिकास्थित नर्घो टोल निवासी हुन् । उनका ३ जना छोरीहरु छिन् । उनको शनिवार अन्तिम संस्कार गरिने परिवारजनले जनाएको छ ।
