राजविराज, ८ वैशाख । सुनसरीमा जाली नोटको कारोबारमा संग्लन तीन जना पक्राउ परेका छन् । पक्राउ पर्नेमा धरान–१९ का ६६ बर्षीय टेक बहादुर तामाङ, हरिनगर २ का २४ बर्षीय नजिम साफि र धरान–१७ का महेन्द्र तामाङ छन् । उनीहरुलाई ईनरुवा नगरपालिकास्थित स्टार होटलबाट जाली नोटसहित पक्राउ गरेको हो ।
बिशेष सुचनाको आधारमा खटिएको प्रहरीले चेकजाँच गर्दा उनीहरुको साथबाट नेपाली जाली नोट १ हजार दरका ४ सय १५ थान बरामद गरेको जिल्ला प्रहरी कार्यालय सुनसरीले जनाएको छ ।
जाली नोटसहित पक्राउ परेका तीनै जनालाई मुलुकी अपराध संहिता २०७४ को परिच्छेद २२ मुदा सम्बन्धी कसुर अन्तर्गत अनुसन्धान भईरहेको जनाएको छ ।
