तीन हजार ३२ कोरोना संक्रमित थपिए, थप २८ जनाको मृत्यु

जनकपुरधाम, १२ वैशाख । नेपालमा आइतबार थप ३ हजार ३२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा थप ३ हजार ३२ जनामा संक्रमण पुष्टि भएको हो ।

यससहित नेपालमा संक्रमितको संख्या ३ लाख १ सय १९ पुगेको छ । जसमध्ये हालसम्म २ लाख ७७ हजार ५७३ जना निको भएका छन् । हाल १९ हजार ३८२ जना सक्रिय संक्रमित छन् ।

यसैगरी पछिल्लो २४ घण्टामा कोरोना संक्रमणबाट थप २८ जनाको मृत्यु भएको छ । यससहित कोरोना भाइरसको संक्रमणबाट नेपालमा ३ हजार १ सय ६४ जनाको मृत्यु भइसकेको मन्त्रालयले जनाएको छ ।