काठमाडौं, ६ माघ । पछिल्लो पटक नेपाल आयल निगमले पेट्रोल, डिजेल र मट्टितेलमा मूल्य वृद्धि गरेको छ ।
माघ ५ गते रातिदेखि कार्यान्वयन हुने गरी निगमले मूल्य वृद्धि गरेको हो । साबिकमा विक्री वितरण हुँदैआएको मूल्यमा पेट्रोल, डिजेल र मट्टितेलको मूल्यमा प्रति लिटर दुई रुपैयाँको दरले वृद्धि गरी नयाँ विक्री मूल्य कायम गरिएको छ । निगमको डिपो क्षेत्रको १५ किलोमिटर परिसरभित्र पेट्रोल र डिजेलको खुद्रा मूल्य ११० रुपैयाँ निर्धारण गरेको छ भने मट्टितेलको ९३ रुपैयाँ प्रतिलिटर तोकिएको छ ।
